நெல் வைக்கோல் காளான்

படுக்கை தயாரிப்பு மற்றும் வளர்ப்பு
குடிசை மற்றும் மர நிழலில் நெல் வைக்கோல் காளானை வளர்க்கலாம். புதிய, நோயற்ற வைகோலை பயன்படுத்த வேண்டும். ஒரு படுக்கை தயாரிப்பதற்கு 10-15 கிலோ வைக்கோல் தேவைப்படும். சமீபத்திய காலகட்டத்தில், பாலித்தீன் குடிலில் வளர்ப்பதன் மூலம் 25-35 º செ வெப்பநிலை மற்றும் 75-80% ஒப்பு ஈரப்பதம் பராமரிக்கப்படுகிறது.

நெல் வைக்கோல் கட்டு முறை:
செயல்முறை:

1. 1 மீட்டர் நீளம் மற்றும் 0.75 மீட்டர் அகலத்தில் மரக்கட்டைகளை கொண்டு பரண் அமைக்க வேண்டும்.
2. ஒரு கிலோ எடை கொண்ட வைக்கோலை உருளையாக கட்ட வேண்டும்.
3. வைக்கோல் கட்டுகளை 12-18 மணிநேரம் தண்ணீரில் ஊற வைக்க வேண்டும்.
4. கட்டுகளை வெளியே எடுத்து நீரை வடிக்க வேண்டும்
5. வைக்கோல் கட்டுகளின் நுனிப்பகுதி ஒரு புரம் வருமாறு பரண்மேல் வரிசையாக அடுக்க வேண்டும்.
6. இரண்டாம் வரிசையில் நுனிப்பகுதி முதல் வரிசையின் எதிர்புறம் வருமாறு அடுக்கவும்.
7. காளான் வித்துகளை தூவிய பிறகு, மேற்கூறிய படி மூன்றாம் மற்றும் நான்காம் வரிசை அமைக்க வேண்டும்.
8. இந்த வரிசைக்கு மேல் காளான் வித்துக்களை தூவ வேண்டும்.
9. இதற்கு மேல் மீண்டும் இரண்டு வரிசை வைக்கோல் கட்டுகளை அடுக்க வேண்டும்.

1. வைக்கோலை 5-8 மீட்டர் நீளம் மற்றும் 5-10 செ.மீ குறுக்கு அளவில் முறுக்க வேண்டும்.
2. முறுக்குகளை 12 மணிநேரம் தண்ணீரில் ஊற வைக்க வேண்டும்.
3. வைக்கோலை வெளியே எடுத்து நீரினை வடிக்க வேண்டும்.
4. வைக்கோல் முறுக்குகளை குறுக்கும் நெடுக்குமாக பரண்மேல் அடுக்க வேண்டும்.
5. அடுத்த அடுக்கில் வைக்கோல் முறுக்கினை முதல் அடுக்கின் எதிர்மறையாக அமைக்க வேண்டும்.
6. காளான் வித்துகளை இப்படுக்கையின் மீது தூவ வேண்டும்.
7. பின்னர் படுக்கைகளை பாலித்தீன் கொண்டு மூட வேண்டும்.

Updated on Feb, 2014